РУСКИ КЕРЕСТУР - ПОЛИТИКА

Велька векшина за тото же би Руски Керестур бул општина

РУСКИ КЕРЕСТУР, 19. юлий 2006. (Рутенпрес) - Спрам резултатох вчера законченей анкети, 88 одсто анкетованих Керестурцох за тото же би Руски Керестур бул општина.

Од 4 074 особох зоз правом гласа, анкетовани 3 329 Керестурци, односно 81,7 одсто од цалосного гласацкого цела.

Пре нєдоступносц у чаше анкетованя, преселєнє, лєбо прето же умарли, нєанкетовани 745 особи з правом гласа.

За тото же би Руски Керестур бул општина вияшнєли ше 2 935 Керестурци, односно 88 одсто од числа анкетованих.

Процив були 165, а 229 особи були нєопредзелєни.

Анкета о тим же чи су за тото же би Керестур бул општинске место окончена од 26. юния по 17. юлий.

Анкету окончовали осем млади Керестурци, прейґ обиходзеня обисцох и нє мали нїяки проблеми при анкетованю.

Ушлїдзи виробок елабората о оправданосци того подцагу, з ясну финансийну представу же цо то за Керестурцох значи кед Руски Керестур будзе општина и у зависносци од указательох з елабората, буду преберани дальши крочаї по тим питаню.

(Конєц)