Информуєме Вас же 09. новембра 2009. року, з явну поволанку Министра, почал упис до окремних виберанкових спискох националних меншинох у Републики Сербиї. Тота поволанка ше одноши и на припаднїкох рускей националней меншини. Уписованє добродзечне. Алє то условиє, же би ше нови Национални совит Руснацох виберало на директних виберанкох, так як ше вибера одборнїкох, односно посланїкох за локални, покраїнски и републични парламент. Кед виполнїме условиє же би ше до виберанкового списку уписало вецей як 50% Рускиньох и Руснацох, вец кажде хто уписани - будзе мац и право гласац на виберанкох за нови Национални совит. Виберанки за нови Национални совит мали би буц орґанизовани у маю, лєбо юнию 2010. року. Упис до виберанкового списку тирва до половки марца 2010. року, а уписац ше мож на шлїдуюцих местох:

1. У Городских хижох, односно Општинох у местох дзе їх шедзиска, як и у Месних канцеларийох (при матичарох)

2. У дочасовим шедзиску и подручних канцеларийох Националного совиту, односно наших културно-уметнїцких дружтвох, здруженьох и других местох дзе нашо людзе орґанизовано приходза, дзе од тераз, та по законченє уписованя, буду орґанизовани дежурства на шлїдуюци способ:

Руски Керестур: дочасове шедзиско Националного совиту

Русинска 75, од 09,00 по 15,00 годзин

Подручна канцелария Вербас (КПД "Карпати")

Нєґошова 21, од 18,00 по 22,00 годзин

Подручна канцелария Дюрдьов (КУД "Тарас Шевченко")

Краля Петра I 64, од 18,00 по 20,00 годзин

(дописовательство Р.Слова) М. Тита 55/а

од 10,00 по 12,00 кажди роботни дзень

од 19,00 по 21,00 пондзелок, вовторок и штварток

Дом култури, Ошлєбодзеня 9

од 17,00 по 19,00 годзин

Подручна канцелария Кула (РКУД "Др Гавриїл Костельник")

М. Тита 248, од 18,00 по 20,00 годзин

Подручна канцелария Нове Орахово (КУД "Петро Кузмяк")

Кошут Лайоша 2, од 09,00 по 11,00 годзин

Подручна канцелария Нови Сад (РКПД)

Йована Суботича 8-10, од 09,00 по 14,00 и од 18,00 по 23,00 годзин

Подручна канцелярия Сримска Митровица (Дружтво Руснацох у С.М.)

Паробродска 15, од 18,00 по 20,00 годзин

Подручна канцелария Суботица (Дружтво Руснацох у Суботици)

Штросмаєрова 8, од 18,00 по 20,00 годзин

Подручна канцелария Шид (КПД "Дюра Киш")

Цара Лазара 105, од 18,00 по 21,00 годзин

Београд (просториї Каритасу и Грекокатолїцкей Парохиї)

Вишеґрадска 23, од 09,00 по 21,00 годзин

На шицких начишлєних местох мож достац формулар (вимогу) хтору потребно виполнїц и особнє подписац, а зоз собу потребне вжац особну леґитимацию.

У Ґосподїнцох тоти формулари годно достац при Любомирови Ивановому и Владимирови Салонскому, а за Бикич, Беркасово, Бачинци и дзепоєдни други места, места за упис и особи за контакт буду сообщени познєйше.

Поволуєме и шицки нашо институциї, орґанизациї и здруженя же би ше уключели до анимированя и помоци припаднїком нашей заєдници коло уписованя до виберанкових спискох.

ПОЧИТОВАНИ СОНАРОДНЇКИ, ВИХАСНУЙЦЕ СВОЙО ПРАВО И УПИШЦЕ ШЕ У ЦО ВЕКШИМ ЧИШЛЄ! ТАК ДОКАЖЕМЕ ЖЕ ЗМЕ ОРҐАНИЗОВАНА И ОДВИЧАТЕЛЬНА ЗАЄДНЇЦА ХТОРА ДЗБА О СЕБЕ И СВОЇХ ПРАВОХ.