РУСКИ КЕРЕСТУР-ИНФОРМОВАНЄ

Иножемни дописователє и аташеи за културу нащивя Керестур

РУСКИ КЕРЕСТУР, 24. май 2006. (Рутенпрес) - На пияток, 26. мая, Руски Керестур нащивя иножемни дописователє писаних и електронских медийох акредитованих у СЧГ, як и аташеи за културу при иножемних амбасадох у СЧГ.

Домашнї госцом будзе Месна заєднїца и Месна орґанизация Рускей матки Руски Керестур.

Новинаре и представителє амбасадох у Р. Керестуре нащивя Дом култури, Национални совит Руснацох, школски будинок Замок, Катедралну церкву, Апостолски еґзархат и ОШ и Ґ "Петро Кузмяк".

(Конєц) зам

РК - КУЛТУРА

Дзецински ансамбл керестурского Дома култури на покраїнскей смотри

РУСКИ КЕРЕСТУР, 13. май 2006. (Рутенпрес) - Дзецински ансамбл Дома култури Руски Керестур на нєдзелю, 14. мая, будзе участвовац на Фестивалє дзецох Войводини у Сомборе.

Керестурци на тим найвисшим змаганю з обласци дзецинскей музично-фолклорней творчосци Войводини, участвую зоз танцом "Буковински мотиви", хореоґрафа Йоакима Раца Мимия.

На Фестивалє у Сомборе приявени 30 дзецински ансамбли зоз цалей Покраїни.

(конєц) зам