РУСКИ КЕРЕСТУР - КУЛТУРА

Конкурс „Червеней ружи” за нови руски шпиванки

РУСКИ КЕРЕСТУР, 23. януар 2012. (Рутенпрес) - З нагоди отримованя тогорочного 51. фестивала рускей култури "Червена ружа", Дом култури Руски Керестур розписує Конкурс за нови руски шпиванки. Конкурс тирва по 15. април.

На конкурс мож послац шпиванки у забавним духу, шпиванки у народним духу и шпиванки за дзеци. Право участвовац на Конкурсу маю шицки заинтересовани.

Орґанизатор Фестивала обезпечи пенєжни награди композитором, писательом текстох и интерпретатором за шпиванки у забавним и народним духу, хтори завежню перши три места.

У конкуренциї шпиванкох за дзеци, орґанизатор Фестивала обезпечи пенєжни награди композитором за завжати перши три места, єдну награду за найлєпши текст и єдну награду за найлєпшого интерпретатора.

Оценьованє и вибор композицийох хтори буду виведзени на Фестивалє окончи фахова комисия хтору менує Орґанизатор.

Композициї треба же би були записани нотално, лєбо на ЦД, а тексти видруковани у трох прикладнїкох.

Дом култури Руски Керестур затримує право видац виведзени композициї на тогорочней "Червеней ружи" на окремним ношачу звука.

Роботи посилац найпознєйше по 15. април 2012. року на адресу: Дом култури (з назначеньом: „За Конкурс”), 25233 Руски Керестур.

(конєц) зам 

На початок