 |
|
 |
|
Ювилеї |
|
Унив. проф. др Александер Д. Дуличенко
( Ґу
65-рочнїци од народзеня)
 Александер
Дмитриєвич Дуличенко народзени 30. октобра 1941. року у
месце Новоалексеєвская у Русиї, Краснодарски край (хтори
виходзи на Чарне морйо и Азовске морйо, главни варош
Краснодар на рики Кубану), дзе по нєшка жиє його мац и єдна
шестра. Року 1959. закончел штредню школу у
Новоалексеєвскей. Од 1961. до 1966. студирал русийску
филолоґию на филолоґийним факултету у Ашхабаду, главним
варошу тедишнєй совєтскей републики Туркмениї (тераз
нєзависна держава Туркмения).
Робел як преподавач русийского язика у
месце Ґара Векил у Ашхабадскей обласци у Туркмениї
(19661968, 19701976), як асистент на катедри за общу и
русийску линґвистику на Самаркандским универзитету (варош
Самарканд) у републики Узбекистану (тераз нєзависна держава
Узбекистан) (19681970). Од 1976. року роби на Тартуским
универзитету (варош Тарту) у Естониї: од 1976. до 1980. року
доцент, од 1982. рядови професор катедри за велькоруски
язик, од 1992. рядови професор и шеф катедри за славянску
филолоґию.
А. Дуличенко фаховец з обласци общого
язикознавства (обща теория язика, социолинґвистика,
етнолинґвистика, интерлинґвистика и др.) и славянскей
филолоґиї.
Школяр є академика Н. И. Толстоя. Як
студент ше почал дописовац зоз Малацком зоз Савиного Села,
хтори му писал же є Руснак. Вон ше заинтересовал за нашу
народносц и побешедовал о тим зоз професором акад. Н. И.
Толстойом. Професор Толстой му порадзел же би почал виучовац
наш язик, цо вон и зробел и уж 1968. обявел першу статю о
нїм, а року 1974. на Институту за славистику и балканистику
Академиї наукох СССР у Москви одбранєл кандидатску
(докторска нєгабилитацийна) дисертацию
Литературни руски
язик Югославиї (фонетика и морфолоґия)". Други Руснак
после Малацка, з хторим ше А. Д. Дуличенко длуго дописовал,
бул писатель Василь Мудри зоз Шиду.
Интересованє А. Д. Дуличенка ше преширело
и на други мали славянски литературни язики, хтори вон
наволал микроязики: кашубски у Польскей,
ґрадищанскогорватски у Австриї, молизкославянски у штреднєй
Италиї, резиянски у Италиї при Удине, болгарски у Банату,
ляшски у Шлезиї, чакавски, кайкавски, словенски у Прейґмурю,
сербсколужицки, карпатскорусински и др. Року 1981. на
Институту за язикознавство Академиї наукох Билорускей ССР у
Минску одбранєл габилитацийну докторску (докторска
II)
дисертацию Славянски
литературни микроязики".
Окрем того А. Д. Дуличенко пише и о
вельких" славянских язикох: русийским,
сербским/горватским/бошняцким, словенским. Потераз обявел
понад 420 науково роботи на 20 европских язикох. З общого и
славянского язикознавства тримал преподаваня и на
универзитетох/факултетох у Новим Садзе, Сараєву, Краснодару
(Русия), Душанбеу (Таджикистан), Хелсинкию и Туркуу
(Финска), Лозани и Цириху (Швайцарска), Ґетинґену, Триру,
Сарбрикену, Ґрейфсвалду, Келну, Гейделберґу (СР Нємецка),
Ополу (Польска), Москви, Ростову и др. У школским 2002/2003.
року тримал преподаваня о славянских микроязикох (медзи нїма
и о руским язику) у Триру (СР Нємецка).
Предсидатель є Националного комитета
Славистох Естониї, член Рускей матки, Дружтва за руски язик,
литературу и културу, Кашубского института у Ґданьску
(Польска), член
Accademia Internazionale delle Scienze (Сан
Марино),
New York Academy of Sciences, Universala Esperanto Asocio и др. Редактор є и видаватель двох серийних
публикацийох Тартуского универзитета Interlinguistica
Tartuensis" (од 1982) и Slavica
Tartuensia" (од 1985).
На руским язику потераз му обявени два
кнїжки: зборнїк статьох о руским язику Jugoslavo-Ruthenicа"
(Нови Сад, Руске слово, 1995) и Кнїжка
о руским язику" (Нови Сад, Руске слово и
Дружтво за руски язик, литературу и културу, 2002). Окрем
того, сам пририхтал и обявел архивни рукопис Г. Костельника
Жалосцинки серенчи и милей (Нови Сад, Руске слово,
1994).
Окрем спомнутих двох кнїжкох на руским
язику А. Д. Дуличенко написал и тоти кнїжки:
Славянские литературные микроязыки.
Вопросы формирования и развития (Таллин, 1981. 323 б.);
Международные вспомогательные языки
(Таллинн, 1990. 448 б.);
Русский язык конца
XX столетия (Slavistische
Beitrδge.
Bd. 317,
Mόnchen,
1994. XII, 347 б.);
Этносоциолингвистика перестройки в СССР
(Slavistische
Beitrδge.
Bd.
378, Mόnchen,
1994. VII, 583 б.).
Др Юлиян Рамач
|
| |
| |
Змист
